منتديات رحيل


ملتقى الخيرات
 
الرئيسيةمكتبة الصورس .و .جبحـثقائمة الاعضاءالتسجيلدخول
المواضيع الأخيرة
» برنامج القرص الوهمي الرائع Farstone VirtualDrive Pro 115.
الجمعة 22 أغسطس - 22:30 من طرف frahat

» أكاديمية الجزيرة
الخميس 30 يناير - 9:37 من طرف elsweedy6

» ملف كامل عن فلول الوطنى وتامرهم على مصر وعلى الثوره انشروا وافضحوهم فى كل مكان
الإثنين 13 يناير - 1:00 من طرف الجندى المصرى

» الدعاء اهلنا فى سوريا
الجمعة 13 ديسمبر - 17:31 من طرف عبيرالفل

» خالد رابعه
الجمعة 6 سبتمبر - 15:03 من طرف الجندى المصرى

» الدعاء المصر اليوم 30 \6\2013
الثلاثاء 3 سبتمبر - 10:26 من طرف عبيرالفل

» صور الكعبة من تصورى عملت عمرة فى رمضان اتفرحوا نعايا عليها وعيزة رايكم
الثلاثاء 27 أغسطس - 23:33 من طرف عبيرالفل

» رسالة الى كل احرار وصحفيين العالم الأحرار A message to all the world are free and journalists Liberals
الجمعة 23 أغسطس - 14:49 من طرف الجندى المصرى

» بمناسبة قرب رمضان كل عام وانتم بخير
الجمعة 23 أغسطس - 13:12 من طرف الجندى المصرى

شاطر | 
 

 عايزه مطبخ كامل وما تنسيش حاااااجة تعااااااليييييييييييييييييي

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 16:02

عايزه مطبخ كامل وما تنسيش حاااااجة تعااااااليييييييييييييييييي
هااااااااااااااااااااي

كتير من العرايس مش عرفة تجيب جهاز المطبخ أوتجمعهم

أنا جمعتة وكتبتة لأحلي عرايس

ولو نال أعجبكو ولقيت تفاعل معايا هاكمل جهاز العرايس كلة

مش المطبخ بس

وأنتو وشطارتكو بقى

المهم

بسم الله الرحمن الرحيم


أ)أطقم الحلل والصواني

1) حلل الومنيوم

2) حلل أستانلس

3) حلل بيركس

4) صواني الومنيوم (مربع ـ مدور ـ مستطيل)

5) صواني بيركس(مستطيل ـ بيضاوي)

6) صواني تيفال

7) صواني بيتزا

Cool صواني تقديم استانلس(مقاسات)

9) صواني تقديم ميلامين (مقاسات)

10)طاسات الومنيوم (مقاسات مختلفة)

11)طاسات تيفال (مقاسات مختلفة)



ب)زجاج المطبخ

1) أطباق زجاج للأكل

2) أطقم كبايات شاي

3) أطقم فنجان قهوة

4) أطقم مجات(زجاج ـ فخار ـ صيني)

5) أطقم شوبات

6) أطقم كاسات

((دي حاجات لأستخدام المطبخ غير النيش))



ج)مستلزمات أخرى

1) طقم ميلامين كامل

2) أطباق أستانلس

3) براد شاي مقاسات

4) كنك للقهوة(مقاسات)

5) لبانة (الومنيوم ـ صاج)

6) طقم معالق

7) طقم سكاكين

Cool طقم توزيع

9) مصفاه (مقاسات)

10)مقاور

11)مخرطة ملوخية

12) طقم توابل

13)طقم مقصات

14)هون للتوم

15)شفشق(زجاج ـ بلاستك)

16)فوط مطبخ

17)مريلة مطبخ+جوانتي+مساكة

18)ليفة للمواعين

19)شياطة للأرز

20)مساكة تحمير

21)خشبة تقطيع

22)فتاحة علب التونة والمعلبات

23)فتاحة زجاج مياه غازية

24)عصارة ليمون

25)ولاعة بوتاجاز

26)حمالة مجات

27)دماسة فول

28)طفاية أشكال


د)بلاستكات المطبخ

1) طبق غسيل الأرز

2) أطباق غسيل الخضار

3) صفاية خضار

4) صفاية معالق

5) صفاية مواعين

6) مقشة(خشن ـ ناعم)

7) جاروف ولمامة

Cool زعافة

9) منفضة

10)باسكت مهملات

11)حمالة مشابك

12)طبعا المشابك

13)حبل الغسيل


ه)أدوات كهربيه للمطبخ

1) تلاجة

2) بوتاجاز

3) غسالة(أتوماتيك ـ نص أتوماتيك ـ عادي)

4) سخان

5) خلاط (مطحنة التوابل)

((حسب الأتفاق))


و) كمااااااااااااليات


1) حلل تيفال

2) مضرب البيض

3) كبة(كتشن ماشين)

4) قلاية تحمير

5) حلة مكرونة

6) مكروويف

7) شواية ( فحم ـ كهرباء)

Cool شفاط

9) ترمس شاي

10)كولمان مياه

11)ديب فريزر


مممممممممممممممممممممم

كدة أنا مش فاكرة حاجة تاني اللي تفتكر حاجة

يااااارييييت تكتبها ومتتردتش

مستية أعرف أكتب جهاز" الغرف النوم(ملابس عروسة ومفارش)"

" النيش"
يلا وروني أحلى الردود علشان تشجعوني


عدل سابقا من قبل عصفورة الجنه في الأحد 8 فبراير - 1:53 عدل 1 مرات
الرجوع الى أعلى الصفحة اذهب الى الأسفل
برقوقه
عضو متميز
عضو متميز


انثى عدد الرسائل: 717
العمر: 29
العمل/الترفيه: انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو
الاوسمه:
تاريخ التسجيل: 05/06/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 19:31

ماشاء الله عليكى يا عصفوره
بجد موضوع ممتاز جدا جدا
وفعلا انتى مش نسيتى حاجه
بس انا بحاول ابعد عن اى حاجه زجاج
عشان عندى قدره غريبه على التكسير
ههههههههههه
بارك الله فيكى فعلا موضوع مهم جدا
انا خلصت حاجه المطبخ والنيش
اكتبيلى حاجه النيش عشان اراجع معاكى
وياريت تقوليلى على المفروشات
لانى لسه مش جبت حاجه
ارجوكى مش تطنشى الموضوع
الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل: 18577
الاوسمه:
تاريخ التسجيل: 14/04/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 19:44

الله يا عصفورة

جميل اوى اهتمامك بتجهيز العرايس

عقبالكم يا كل بنات رحيل ..ربنا يسعدكم

واسمحوا لى اكتبلكم حاجة النيش

طقم شاى كامل

طقم جاتوه كامل

طقم كاكاو كامل

طقم قهوة كامل

2 طقم خشاف كامل

2 او اكتر طقم كاسات اشكال مختلفة فى الالوان والاطوال

2 طقم شربات مختلفة فى الالوان

وبنصحكم بالنسبة لطبق الجاتوه الكبير او اى طبق لطقم كبير يتحط على حامل لوحده فى منتصف الرف وتحته مفارش من الستان او الاوراجانزا المطرزة

وطبعا لو النيش كبير ويساع حاجات اكبر بتقدرى تحطى اكتر من طقم جاتوه متنوعين الالوان

ولو فيه ادارج بتحطى فوط السفرة ومفارش السفرة وصوانى التقديم الاستنلس باحجامها

ها فى لسة حاجات نسياها ولا ايه ؟؟؟؟؟؟؟ يلا يا برقوقة وانتى يا عصفورة اشتركوا واكتبوا جهاز العروسة يا اجمل عرايس

وانا معاااااكم

_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
برقوقه
عضو متميز
عضو متميز


انثى عدد الرسائل: 717
العمر: 29
العمل/الترفيه: انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو
الاوسمه:
تاريخ التسجيل: 05/06/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 20:26

يا القلب الطيب انتى نسيتى اكبر داهيه طقم الصينى
ههههههههههه
وطقم اركوبال
شنطه المعالق
طبق الفاكهه
الشياله
وبمبونيره كريستال
طقم توزيع للنيش
وبالنسبه للكاسات لازم نفرق كويس بين انواع الكاسات
لان مش كل الكاسات تنفع لجميع المشروبات
مثلا عصائر زى العنب والتفاح او عموما ليها مزازه فى طعمها
بتكون كاستها بتشيل كميات اصغر من كاسات اخرى
للعصائر التانيه زى الفراواله والمانجومثلا مع ان البنت الذكيه تخلى الكاسات كلها صغيره
توفير يعنى هههههههههه
ولازم يكون فى انتيكات علشان تزين النيش
وانصح لو الانتيكات مكنتش قيمه يبقى بلاش منها افضل
يعنى تزينى بحاجه قيمه يبقى كويس اوى لكن لو حاجه مش قيمه يبقى الاشيك
انك مش تحطى انتيكات افضل
ومنتظرين باقى الجهاز
الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل: 18577
الاوسمه:
تاريخ التسجيل: 14/04/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 20:43

ماهو يا قمر مش ح تحطى طقم الصينى كامل ف النيش ده يوقع ده حوالى 300 قطعة انتى بتحطى بس منه طقم الشاى او الجاتوه بتاعه وباقى الطقم بتحطيه فى البوفيه الكبير وطقم البيركس وباقى الاطقم

وطبعا انا معاكى بالنسبة لانواع الكاسات وعشان كدا كتبتلك انواع ومقاسات مختلفة

تعرفى بقا اختى ميادة كسرت كل القواعد دى وحطت فى النيش بتاعها اطباق كبيرة اوى كريستال المانى

كل رف فيه بس طبق كريستال كبير مختلف عن التانى على حامل كبير وحواليه انتيكات صغيرة برده كريستاااااال

بقيت ح تجنن منها قالتلى يا مروة زمنك غير زمنا ههههههههههههههه شوفتى بقا انا بقيت من زمن تانى عشان متجوزة من 11 سنة

وبرده شنطة المعالق بتتشال فى البوفيه ووقت العزايم بس بطلعيها تفتحى كل الادوار بتاعتها على البوفيه جنب السفرة غير كدا انتى بيبقا عندك طقم تانى للاستعمال اللى هو على شيالات هو وطقم التوزيع اللى بالحامل

وتسيبى الشنطة كاملة للعزومات ...اما البونبونيرة فبيكون عندك واحدة كريستال فى الصالون وواحدة فى الانتريه

وطبق فاكهة كبير عالسفرة كريستال وحاليا طالع الكاس الكبير اوى ده ..بيبقا شيك جدا عالسفرة وتحته مفرش مطرز هندى هاند ميد

وجواه ممكن تحطى ورد بلدى دراااى او شموع فواحة

بصراحة الله يكون فى عون كل البنات والاهالى اللى بيتجهزوا مصاااااااااريف فظيعة

ربنا يسعدك يا حبيبتى انتى وكل البنات

_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
برقوقه
عضو متميز
عضو متميز


انثى عدد الرسائل: 717
العمر: 29
العمل/الترفيه: انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو
الاوسمه:
تاريخ التسجيل: 05/06/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 20:56

كلامك صح يا القلب الطيب
بس حاليا مبقاش فى حاجه اسمها بوفيه ولا نيش
هوه طربيزه ودولاب فضيه
بس انا بقصد اى ان كان نوع السفره
اننا نكتيب كل الحاجات اللى هتيجى
ومش مهم نحطها فين ههههههههه
المهم انى اشترى وخلاص وانشله اشيلهم فى البلكونه
بس اكون عملت شوبنج ودفعتهم مبلغ محترم
ليا سوال بقه يا جماعه
انا مامتى عاوزه تجيبلى فى استخدام البيت طقم اطباق اركوبال
وانا عاوزه اجيب ميلامين
عشان انا فعلا مبعرفش اتعامل مع الحاجات اللى بتتكسر
عاوزه طقم ميلامين غير قابل للكسر
وهى مصره على طقم الاركوبال
بتقلى ان الاركوبال اقيم واغلى
وانا فعلا لو جبته هيتكسر منى فى اول اسبوع
قلت اجيب الاتنين قالتلى لا متستخدميش ميلامين اساسا
اعمل ايه اهتم بالمنظر ولا اصر على موقفى
واخلينى عمليه واجيب اللى ينفعنى
الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل: 18577
الاوسمه:
تاريخ التسجيل: 14/04/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 21:20

دمك عسل ياقلبى وربنا ههههههه ح تحطيهم ف البلكونة فين بس ..دلوقتى كل اوض السفرة لازم بوفيه ونيش والبوفيه عندى شايل كل البلاوى والاطقم والنيش بيبقا فيه الحاجات البسيطة اللى كتبتهالك ف الاول

وبينى وبينك يا برقوقة الملامين وحش جدا انا مش بحبه خالص

اه والله انا رفضت طول عمرى اكل فيه اولا لو البياض بتاعه او لونه اتغير سنة وده بيحصل طول الوقت لازم تنقعيه فالكلور والصابون لحد ما يبقا ابيض زى الفل

انا راييى من راى طنط الاركوبال والبايركس اشيك واقيم بكتير تعرفى انا جيبت طقم البريكس العسلى الفرنساوى وجيبت واحد للمطبح عادى تركى تقريبا ده اللى بستخدمه فالمطبخ

بيريحنى جدااااا وكمان هاتى طباق استعمال صينى عادية ومجات وكوبايات عادية ازاز برده للاستعمال العادى انتى وجوزك

عشان لما يتكسروا ما تزعليش عليهم وربنا ما يجيبشى اى خساير يا قمر ويسعدكم ياااااارب

_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
برقوقه
عضو متميز
عضو متميز


انثى عدد الرسائل: 717
العمر: 29
العمل/الترفيه: انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو
الاوسمه:
تاريخ التسجيل: 05/06/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 22:41

Crying or Very sad هوه فى عداوه بين الميلامين وبين الناس ولا ايه كده هجيب طقمين تلاته اركوبال احتياطى
او اجيب طبقين بلاستك استخدمهم واريح دماغى
بارك الله فيكى يا القلب الطيب وشكرا على رائيك
وياريت تقوليلى على المفروشات بقه لانى لسه مش جبت حاجه خالص
مستنيه القائمه منك ومن عصفوره
الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل: 18577
الاوسمه:
تاريخ التسجيل: 14/04/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   السبت 7 فبراير - 23:02

عسل ياقلبى ربنا يسعدك

بكرة لما تتجوزى بجد حتحافظى على كل حاجة فبيتك ولما لقدر الله اى حاجة ح تتكسر حتزعلى جدا عليها لانك حيبقا صعب تعوضيها

احنا فبيوت اهلنا بنتامر وبنجيب افخم حاجة واغلى حاجة وبدال الحاجة اتنين وتلاتة فبيتك حيبقا صعب كل حاجة ماشية بالستر ودعا الوالدين هههههههههههههههه


بالنسبة للمفروشات ياقلبى

طبعا انسى موضوع التنجيد بتاع زمااااااان ده فكرة فاشلة جداااااااااااا

بتمن قنطارين القطن هاتى مرتبة( ماستر بيد) ضمانها عشر سنين وحاجة محترمة جدااااااا ومستوردة وفعلا بتخلى شكل السرير تحفة ومنظر المفارش عليه تجنن بدال المراتب بتاعتنا اللى كسرت ظهرنا وكل سنتين عاوزة تتنجد وتتظبط

اما الحفة طبعا هاتى طقم لحاف مسورد شيك كامل بيبقا حوالى 12 قعطة وبيكون غاية فالروعة

وطبعا هاتى لحاف فيبر فردانى للغطاء برده مش مصرى لان المصرى وحش جدا بيكلكع واول غسلة فى الغسالة بيترمىى

المفارش الخارجية لازم يكون واحد ابيض او دهبى مطرز بالستان والاورجانزا مستورد لانه هو ان شاء الله اللى بيتفرش يوم الجواز ويوم السبوع وطبعا ح تجيبى مفرش ستان وواحد حرير اللى اسمهم دربيات

وطبعا اتنين شتوى قطيفة ونوعى فى الالوان

اما الفوط بتكون 2 بشكير جسم كبير

2 بشكير نص

12 فوطة عادية قطيفة

6 فوط مصرى وعلى فكرة فوط المحلة بتنشف طبعا وقطنها لا يعلى عليه

وماتنسيش برنص الحمام الحريمى والرجالى واحد لبنى وواحد روز او ابيض

اما اطقم الملايات

لازم العروسة يكون عندها كل الوان الاطقم

بيبقوا حوالى 12 لون وطبعا خامات قطن ومطرزة بالستان

وماتنسيش ملايات فردانية للنوم تتفرش تحت المفارش بتبقا باستك وبتتفرش على المرتبة وقت النوم فقط
ها ياقمر

بتكتبى ولا اييييييييييه

لو ناقص اى حاجة فكرينى بيها انا كل ده بكتب من الزاكرة

وربنا يسعدكم كلكم ياااااارب

_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الأحد 8 فبراير - 0:55

انا سعيدة جدااااااااااااااااااا بتفعلكم فى الموضوع أختى القلب الطيب

وبرقوقه لان الموضوع مهم عندى عشان أنتم عارفين أنى مخطوبه

كنت لسى بفكر ايه النيش وايه فايدته قولت ادور عليه واعرف ايه هو فقرأت موضوع عجبني قولت انقله ليكم


النيش..زينة العروسة


لم أكن أهتم حتى وقتٍ قريب بما يسمي التجهيز والشراء ومثل هذه الأمور

إلي أن جرت بي سنوات العمر لأجد نفسي وقد أتممت 21 عاماً.. ومن يومها وقف الجميع ضدي قائلين بأنني يجب أن أجهز

نفسي.. ولمن لايعلم فالتجهيز هوعبارة عن: أن تصبح الفتاة مسروعة.. تشتري كل ما غلا ثمنه وثقل حِمله.. غير مبالية

بالثمن المدفوع فما ان يضع والدها النقود في يدها حتى سرعان ما تختفي وكأنها قد ثقبت يدها قبلها بشنيور

أقول قد نصحني الجميع لأتحول إلى مسروعة محذرين إياي من أن يحدث معي ماحدث مع بعضهن من زنقة وحوسة تسمي

عند كل فئات الشعب المصري فيما يعرف بزنقة الفرح

حاولت إقناعهم خصوصاً أمي أن يتم التأجيل.. وبأنني لا أهتم.. وكيف لا وأنا لا أملك عمري بيدي ولا أضمن إذا كان سيقدر

لي الزواج أم لا

ويبدو أنهم كانوا يتعجلون إنفاق النقود.. وتشريدها يميناً ويساراً بين البائعين

نهايته.. توجهت مرغمة متألمة كي أبدأ المجزرة التي ستعدم فيها المأسوف على شبابها.. نقود أبي الحبيب

*******
وحيث أنني لا أفقه شيئاً في البيع والشراء كما تعلمون.. فقد سألت أهل الخبرة: ماذا أشتري ياقوم وبأي المصائب أبدأ؟

فيقولون: إبدأي بالأطقم التقيلة علشان تخلصي

فأقول: طيب أنهي يعني معلش أختكم جاهلة؟

ويقولون: الصيني

فأقول: مابحبوش ومش ناوية أشتريه

فيكون الرد: دا الصيني دا زينة العروسة

تخيلت نفسي وقد ارتديت قرطاً عبارة عن طبقين من الصيني.. وملاحة صغيرة مثقوبة الطرفين وقد تحولت الي خاتم أنيق..

وفوق هذا طبق آخر وقد تم تقويره من المنتصف ليصبح سواراً آخر موضه

ثم تذكرت طقم أمي الذي لم نأكل فيه مرة واحدة حتى الآن

تتابعت تساؤلاتي: وايه كمان؟؟

فيقولون: البيركس والأركوبال

فأقول: دول ايه؟؟ زي الصيني أطباق برضه؟؟

فيقولون: ايوه على فكره دول للنيش ياحلوة.. انتي اساساً بتجيبي أطقم تانية للمطبخ

فأقول: أطقم تانية!.. أطباق برضه؟

فيكون الرد: أمّال قصعات مونة ايوة أطباق طبعاً

طيب مين قال أساساً إني ناوية أعمل نيش؟

لمن لا يعلم ماهية النيش.. هو عبارة عن دولاب أشبه بنموذج مصغر للمتحف المصري.. توضع به اشياء واشياء من أطباق

وأكواب وكاسات واشياء ليست لها فائدة صغيرة وكبيرة .يتسبب في تضييق فراغ عش الزوجية الهادئ, وإذا وفرت ثمن ما

تشتريه وتقوم بتحنيطه داخله سنوات طويلة سيتوفر لديك مبلغ يُمكِّنك من تأدية فريضة الحج أو آداء العمرة

يقولون: يابنتي ماينفعش تستغني عنه

فأقول: مش العملية كلها أطباق طيب كفاية طقم او اتنين بكتيره

فيقولون: ياعزيزتي انتي واهمة.. الناس تقول عليكي ايه؟؟

فأسألهم: ها وايه كما زيدوني من الشعر ابيات؟

فيأتي الرد: الكاسات والكبايات وطقم الخشاف والجاتوه

طيب الكاسات دي وكانت معمولة للخمر استغفر الله.. لزمتها ايه بقى.. فيه اختراع اسمه الكُبّايات زي مابتقولوا كفاية قوي..

طيب وايه الخشاف دا لزمته ايه.. وشكله ايه؟؟ أطباق؟؟

فيقولون: دا زي السلاطين بتعمل فيه الخشاف.. افهمي

فأقول: طيب ما الاطقم التانية فيها سلاطين.. سيبكم من دا.. والجاتوه؟

فيكون الرد: دا بقي بيتقدم فيها الجاتوه

طيب ما الحاجات التانية فيها أطباق ياولاد.. هي حفلة أطباق؟؟! ولا هو ناوي يتجوز الأطباق ويسيبني؟؟

تحولت الحياة أمامي إلي خرفان محمّرة وأجولة أرز وبطاطس وكميات هائلة من الطعام كي تكفي كل هذه الأعداد من

الأطباق

أصبحت أسمع بأذن وأُخرج بأخرى

حتى وصل الأمر إلي أن وجدت أمي أحيانًا تشتري اشياءاً وتضعني أمام الأمر الواقع

*******
لماذا نكلف أنفسنا فوق طاقتها؟ ولانفعل كما وصانا رسول الله صلي الله عليه وسلم بأن يكون زاد أحدنا في الدنيا كزاد

المسافر؟

أتخيل مسافراً يحمل نيشاً على قفاه ويجر مطبخ وغرفة معيشة وغرفة استقبال وغرفتي نوم وسفرة باليمين.. وبالأخرى يجر

شقة بها من السجاد أشكالاً وألواناً

أتذكر جزء من قصة سيدنا سلمان الفارسي التي قرأتها.. عندما دخل عليه سعد بن ابي وقاص يعوده في مرض الموت.. وأنه
وجده يبكي

فسأله عما يبكيه؟

فقال سلمان: والله ما أبكي جزعاً من الموت, ولا حرصاً على الدنيا, ولكن رسول الله صلي الله عليه وسلم عهد إلينا عهداً

فقال: لتكن بُلغة أحدكم من الدنيا مثل زاد الراكب.., وحولي هذه الأساود

قال سعد: فنظرت فلم أرى إلّا إكافا ووطاء ومتاعا قوّم نحواً من عشرين درهماً.. رحمه الله

*******
هل في ظروفنا الإقتصادية التي نعاني منها يُعقل ما نفعله الآن

وهل سيتم إستخدام تلك الهلُمة التي تتزوج بها الفتاة وهي مازالت وزوجها في بداية حياتهما وليس هناك إستقرار بعد؟

وحتى بعد مرور سنوات وسنوات ماذا ستستفيد؟

أشياء مرصوصة تونس بعضها البعض ليس أكثر

هذا فيما يخص العش السعيد أما بالنسبة للملابس فحدث ولا حرج

قالوا انني يجب أن أبتاع 5000 عبائة و2908 فوطة أشكال وأحجام.. و3765 شراب و5009 شبشب و...و...و

لماذا؟

أتخيل نفسي وقد ملأت دولابي بأشياء لاحصر لها ثم أصابني فجأة انفجار وزاد وزني بعد الزواج.. لاقدر الله.. وأنني بعدها

سوف أقوم متألمة بإهداء ملابسي الهائلة العدد للقريب والغريب لأنها لن تنفعني بالطبع, هذا وانا أذرف عليها الدمع الساخن

هذا بالطبع غير باقي الأشياء التي لربما أموت ويرثها أولادي من بعدي نظراً لأنها مازالت بكامل صحتها وأناقتها لم تمس هذا

إذا لم أموت قبلها حسرةً على النفقات الهائلة وأنا مازلت بعد في ريعان شبابي

انا لست ضد أن يتم التجهيز بمثل هذه الأشياء.. لكن أن يتم الأمر بصورة معقولة ومقبولة هذا هو المهم

فأنا بكل بساطة لا أجد فائدة لهذا المدعو النيش ولا أنوي أن أمتلك واحداً إن شاء رب العباد

*******

أتخيل بلدتنا وهي كباقي البلاد تنتشر بها الإشاعات إنتشار النار في الهشيم

وأرى نفسي وقد تزوجت بدون نيش وأتخيل الحوار الآتي

.......
فلانة: الو.. شفتي نور ماتجوّزتش بنيش

علاّنة: لا.. معقول!!! قولي كلام غير دا ياشيخة.. وايه كمان ماجابتوش؟؟

فلانة: انا عارفة ياختي تلاقيها ماتجوزتش بإضافي
.......
فلانة: الو.. شوفتي نور ماتجوّزتش بنيش ولا إضافي

علاّنة: معقول!! ايه دا هما فقرا؟! وايه كمان؟؟ تلاقيها ماجابتش تلاجة

فلانة: مش عارفة.. بس ماتستبعديش والله ممكن كمان ماتكونش جابت صالون

.......
فلانة: الو.. سمعتي الخبر.. نور ماجابتش نيش ولا إضافي ولا صالون

علاّنة: مش ممكن.. أمال هايستقبلوا الضيوف إزاي؟

فلانة: أنا عارفة.. تلاقيهم عملوا قاعدة أرضي ولا حاجة
.......
فلانة: الو.. إلاّ انتي ما تعرفيش!! مش نور ماتجوزتش بنيش ولا إضافي ولا صالون وعملوا قاعدة عربي منها للضيوف

ومنها أوضة نوم

*******
تأتي بعد ذلك عادة النساء الرائعة والتي تنم عن ان جميع النساء كانوا يصلحون جميعاً أديبات نظراً لذوقهم الرفيع في إختيار

القوافي والتفنن في الكلام المسجوع.. والتي تظهر جليّة واضحة في الأمثال الشعبية

فأنا بالطبع سأكون تربة خصبة لتأليف الأمثال في هذه الحالة

فمثلاً أتخيل هذا المثل

.......
ياختي ايه مخلاكيش تجيبي نيش

دا من غيره الحياة ماتمشيش

أتخيل الحياة فتاة كسيحة تزوجت بدون نيش يا عين أمها
.......
جيبلي نيش ولا تجيبلي رغيف عيش

وهنا أتخيلني في يوم انا وزوجي وأولادي ولا يوجد لدينا لقمة عيش واحدة فنأخذ في قرقشة الأطباق المرصوصة في المنيّل

على عينه

وتظهر الرومانسية واضحة جلية وأنا أحشر في فم زوجي يد فنجان زجاجي قائلة.. بالهنا والشفا ياروحي

الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الأحد 8 فبراير - 1:32

من اصعب الاشياء الي العروسة بتتعب في اختيارها وطبعا حاجات النيش كثير

كبايات واطقم صيني

واطقم بيركسانهرضة انا جيبة تشكيلة كاسات للنيش وفضيات روعةيارب تعجبكم





































[/size]



























الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الأحد 8 فبراير - 2:02

اليكي مجموعه من الاطقم الصيني لكل عروسه




































































الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الأحد 8 فبراير - 2:12

كاااااااااااااااسات العرائس




















الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل: 18577
الاوسمه:
تاريخ التسجيل: 14/04/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الأحد 8 فبراير - 9:28

تحفة يا عصفورة

كلهم اشيك من بعض

ربنا يفرحكم جميعااااااااا


_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
طالبه الفردوس
مشرفه اداريه
مشرفه اداريه


انثى عدد الرسائل: 138
العمل/الترفيه: طالبه
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الثلاثاء 10 فبراير - 10:32

الله فكره رائعه

جزاكم الله خيرا
وجايبين صور كمان عشان تعقدونا
ماشى

ربنا يكرمكوا كلكوا


_________________
غرباء ولغير الله لانحنى الجباه
غرباء وارتضيناها شعارا للحياه
ان تسل عنا فانا لا نبالى بالطغاه
نحن جند الله دوما دربنا درب الاباه

الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الثلاثاء 17 فبراير - 20:30


اعملى صينية واقولى عمايل ايدايا



وهدا البلاتو (الصينية)البلاستيكي ويمكنك اختيار الحجم صغير
او متوسط او كبير حسب حاجتك المهم ان يكون عادي وبحافة
لايهم شكله لانه سيغلف



ستحتاجين كذلك الى لصاق المسدس وابرة وخيط واسفنج
رقيق لتغليف البلاتو(الصينية)والثوب الاساسي يكون مشبك
او من الدانتيل لكي يبين الثوب الخلفي الذي سيكون اسفله
ويفضل ان يكون لامع موجود في الالوان ذهبي وفضي...ومنه
نوع رخيص على سبيل المثال (اللامي) وطبعا حبيبتي اختاري
الالوان اللي تناسبك والثوب اللي انتي حبيتيه



ويلزمك كذلك شريط الساتان يجب ان يكون مقاسه مضاعف
لايطار الصينية لتعملي التكريشات وذلك بالخيط والابرة تعملي
تنبيلات كبيرة في وسط الشريط وفي الاخير تجرين الخيط برفق
ليتكرش ويجب ان يبقى لديك في نهاية التكريش مقاس ايطار الصينيةويمكنك عوض الشريط الساتان تستعملي شريط الدانتيل
انتي ودوقك



واخيرا يلزمك الزينة التي ستتبثينها في احد الزوايا الاربع للصينية
وراعي ان تكون تلك الزاوية هي التي سيلتقي فيها طرفي
الشريط المكرش لانك لما ستتبثي مثلا بوكي ورد صغير فوقها
ستختفي النقطة التي التقى فيها طرفي الشريط وستكوني
كذلك قد زينتي الصينية ولك الحرية في اختيار ما ستزينين به
وهذه بعض الاشكال وانصحك ان عملتي البوكي ورد ان تمزجي
لونين او اكثر ولاحظي انه يتفكك يمكنن اخذ من البوكي وردة او
اثنين وهكذا.



اذن اختي خذي مقاس الصينية وحضري التغليف من الاسفنج
او اي نوع يصلح للتغليف شرط يكون رقيق وثبتي بالمسدس
على كل الصينية ولكي لايبقى الثوب مرفوعا ويثبت على وسط
الصينية الصقيه كذلك من الزوايا الاربع وسط الصينية بالمسدس
وكرري العملية بالنسبة للثوب اللامع الخلفي واخيرا الثوب
الاساسي يفضل ان تتبثيه بالخيط والابره مع الذي اسفله
لتكون التشطيبات انيقة والمكان الذي ستكوني قد تبثتيه
به بالخياطة هو الذي سيمر عليه الشريط المكرش من الافضل
ثبتيه كذلك بالخيط والابرة (يمكنك استعمال المسدس)
ثم ضعي الزينة فوق الزاوية التي التقى فيها طرفي الشريط المكرش.واتمنى يا الغاليات ان اكون قد افدتكم وفقكم الله





وهذه الصينية عملت شريط غير مكرش فقط شريط ساتان لفيه على كل الاطار ثم كل 6 سم اجمعي الشريط الساتان ببعض الغرز وحطي فوق الغرزة عقيقة (خرز)وثبتي بالخيط والابرة طبعا.

تحياتي

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 895 * 605 و حجم 81KB.

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 895 * 604 و حجم 141KB.

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 894 * 603 و حجم 80KB.





الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الإثنين 23 فبراير - 22:56

الحاجات دى فى جهازك ........شيك اوى

























يتبـــــــــــــــــــــــــــــــــــــــــــــــ ع
الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الإثنين 23 فبراير - 22:58











الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الإثنين 23 فبراير - 23:04


















يتبــــــــــــــــع
الرجوع الى أعلى الصفحة اذهب الى الأسفل
عصفورة الجنه
اداره عامه
اداره عامه


انثى عدد الرسائل: 651
العمر: 26
العمل/الترفيه: النت
المزاج: الحمد لله
الاوسمه:
تاريخ التسجيل: 19/07/2008

مُساهمةموضوع: رد: عايزه مطبخ كامل وما تنسيش حاااااجة تعااااااليييييييييييييييييي   الإثنين 23 فبراير - 23:06




























يتبـــــــــــــــــــــــــــــــــــــــــــــــ ــــــع
الرجوع الى أعلى الصفحة اذهب الى الأسفل
 

عايزه مطبخ كامل وما تنسيش حاااااجة تعااااااليييييييييييييييييي

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

 مواضيع مماثلة

-
» سورس 5095 كامل بقرصان
» كرتون صاحب الظل الطويل كامل مشاهدة مباشرة
»  سورس ستورم كامل والكمال لله وحدة لعيون tqvb
» سورس كيمو كامل 5675 بمناسبة للية رئس السنة
» تحميل المصحف كامل بصوت الشيخ الطبلاوى مع التجويد رائع جدا

صلاحيات هذا المنتدى:لاتستطيع الرد على المواضيع في هذا المنتدى
منتديات رحيل :: -