منتديات رحيل


ملتقى الخيرات
 
البوابةالرئيسيةمكتبة الصورس .و .جبحـثقائمة الاعضاءالتسجيلدخول
المواضيع الأخيرة

شاطر | 
 

 تعرف تعيش بألف جنيه فى الشهر؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: تعرف تعيش بألف جنيه فى الشهر؟   الإثنين 22 يونيو - 11:56

شر البلية ما يضحك .. وأكثر من ينطبق عليهم ذلك هم نحن المصريين .. فلا تخرج من أقوى المواقف الساخرة إلا فى أوقات الشدة والضيق .. ربما للسخرية من الموقف أو لتخفيف حدة الموقف أملاً فى تلاشيه .. وليس أدل على ذلك من هذه النصيحة التى يقدمها أحد المصريين لإخوانه فى الظروف الإقتصادية التى تمر بها مصر حالياً والتى انتشرت فى المنتديات العربية وخاصة المصرية :

بيان المصروف اليومى والشهرى :

- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )

- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )

- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )

- جبنة بيضاء : 20 جنيه إسبوعيا ً= 80 جنيه شهرياً
( كيلو في الأسبوع 125 جرام يوميا انت عايش )

- بيض : 5 جنيه إسبوعياً = 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

- خضار : 10 جنيه إسبوعياً = 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )

- فاكهه : 5 جنيه إسبوعياً = 20 جنيه شهرياً
( عبارة عن كيلو برتقال أو قشر موز مرة أسبوعيا عشان العيال تفتكر إسمه )

- شاى : 10 جنيه شهرياً
( لزوم الكيف اللى بيذل والضيوف الرزلين )

- سكر : 4 جنيه إسبوعياً = 16 جنيه شهرياً
( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )

- أرز : 4 جنيه إسبوعياً = 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

- زيت طعام : 10 جنيه إسبوعياً = 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )

- مكرونة : 8 جنيه إسبوعياً = 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )

- دجاج : 20 جنيه إسبوعياً = 80 جنيه شهرياً
( عدد واحد دجاجة أسبوعيا للعائله .. أظن معقول )

- لحم : 30 جنيه إسبوعياً = 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )

- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )

- صابون : 15 جنيه شهرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )

- مواصلات : 2 جنيه يومياً = 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

- مصروفات مدرسية : 10 جنيه إسبوعياً = 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

- دكتور : 30 جنيه شهرياً
( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر )

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام )

- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )

- فاتورة الغاز : 5 جنيه شهرياً
( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية )

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )

- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )

- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

-----------------------------------------
الإجمالى : 1081 جنيه شهرياً----------------------------------------

أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض

إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه .

عيد الكحك
( عيد الفطر).. الكحك ضر ومالهوش لازمة

عيد اللحمة
(عيد الأضحى) .. اللحمة مضرة ومالهاش لازمة

حلاوة المولد
(المولد النبوى) .. السكر مضر ومالهوش برضه لازمة .. ولو على الحلويات رمضان كريم وخيره كتير

أخ خ خ
نسيت احسب زكاة الفطر بس مش عارف هادفعها ولا هاخدها ؟

عموما هاقولكم على قائمة الممنوعات والمحظورات .. متقربوش منها علشان تعرفوا تكملو الشهر

ممنوع
.. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع
.. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات

أوعى قلبك يحن
لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

ممنوع اللحوم بأنواعها
.. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

خليك واقعى وانسى
المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة
ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من
الفواكه خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبق والقصب والدوم والتوت .. كل ده ممنوع سيادتك

وطبعا
معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تقول الكلام ده للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن .. وإن الواقع زى ماهما شايفيينه دلوقتى .

حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا .. دى ليهم هما .. هما أصحاب البلد ولازم ينبسطوا .

عموماً لو على الكلام .. الكلام مش ها يخلص .. روح بقى الحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب .. وتقعد طول اليوم تدعى عليا .. واحنا مش ناقصين حد يدعى علينا .. إحنا اللى فينا مكفينا
الرجوع الى أعلى الصفحة اذهب الى الأسفل
القلب الطيب
مديرة العلاقات العامه والمتابعه
مديرة العلاقات العامه والمتابعه


عدد الرسائل : 18577
الاوسمه :
تاريخ التسجيل : 14/04/2008

مُساهمةموضوع: رد: تعرف تعيش بألف جنيه فى الشهر؟   الإثنين 22 يونيو - 13:04

والله موت من الضحك على الاسعار والتعليقات

ربنا يسترها معاناااااااااا






_________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
الرجوع الى أعلى الصفحة اذهب الى الأسفل
novo_121
المدير الإدارى
المدير الإدارى


ذكر عدد الرسائل : 15950
العمر : 35
العمل/الترفيه : محامي
المزاج : الحمد لله
الاوسمه :
تاريخ التسجيل : 18/04/2008

مُساهمةموضوع: رد: تعرف تعيش بألف جنيه فى الشهر؟   الإثنين 22 يونيو - 16:15



جزاكي الله خيرا أخي صافي بس الدنيا مش سودة أوي كدا
أمال إلي عيشين بـ 250 جنيه عيشين إذاي

الرجوع الى أعلى الصفحة اذهب الى الأسفل
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: رد: تعرف تعيش بألف جنيه فى الشهر؟   الإثنين 22 يونيو - 19:58

تسلمى قلب على مرورك حبيبتى
هى فعلا اخى نوفو مش سودا اوى كده
هى اسود مع الناس اللى بتقول عنهم عايشين ب 250 جنيه
انت عارف بقى ربنا يخليلنا حكومتنا
الرجوع الى أعلى الصفحة اذهب الى الأسفل
المشتاقة للقاء ربها
مديرة قسم العلوم الإسلاميه
مديرة قسم العلوم الإسلاميه


انثى عدد الرسائل : 8704
العمل/الترفيه : طالبة جامعية.ادعولي بالتوفيق
المزاج : الحمـدلله
الاوسمه :
تاريخ التسجيل : 21/07/2008

مذكرة رحيل
رحيل: اسرتي وملتقانا رحيل

مُساهمةموضوع: رد: تعرف تعيش بألف جنيه فى الشهر؟   الخميس 25 يونيو - 0:36

ربنا يعينكم ويعينا
واحنا في فلسطين مش متوفر حاجة خالص عند اغلب العائلات

ربنا يعينا جميعا

اشكرك اختي صافي ربنا يفك كربكم وكربنا جميعا

_________________
جزاكم الله خيرا لاسهاماتكم ومتابعتكم الطيبة


كنز من كنوز الجنــــــة الحمدلله ... الله اكبر ... لا اله الا الله ... ولا حول ولا قوة الا بالله ... سبحان الله





آللھٌـــم لقنـــيّ .. ( لآ إلہ إلآ آللّہَ ) .. عنـــد آلســكّْـرات . .
ولآ تجعـــل حَسنـــآتــيّ حســـرآتْ . .
ۆلآ تفضحَنــــيّ بـسيئـــآتــــيّ يــــوم ألقــــآڳ يـــا ربــــيّ . .
ۆاجعــــل قَلبــــيّ يـــذكَـــــرڳ لآ ينســــآڳ . .
ۆيخشـــــآك گأنـــــــه يــــــرآڳ .
الرجوع الى أعلى الصفحة اذهب الى الأسفل
المشتاقة للقاء ربها
مديرة قسم العلوم الإسلاميه
مديرة قسم العلوم الإسلاميه


انثى عدد الرسائل : 8704
العمل/الترفيه : طالبة جامعية.ادعولي بالتوفيق
المزاج : الحمـدلله
الاوسمه :
تاريخ التسجيل : 21/07/2008

مذكرة رحيل
رحيل: اسرتي وملتقانا رحيل

مُساهمةموضوع: رد: تعرف تعيش بألف جنيه فى الشهر؟   الخميس 25 يونيو - 0:38

ربنا يعينكم ويعينا
واحنا في فلسطين مش متوفر حاجة خالص عند اغلب العائلات

ربنا يعينا جميعا

اشكرك اختي صافي ربنا يفك كربكم وكربنا جميعا

_________________
جزاكم الله خيرا لاسهاماتكم ومتابعتكم الطيبة


كنز من كنوز الجنــــــة الحمدلله ... الله اكبر ... لا اله الا الله ... ولا حول ولا قوة الا بالله ... سبحان الله





آللھٌـــم لقنـــيّ .. ( لآ إلہ إلآ آللّہَ ) .. عنـــد آلســكّْـرات . .
ولآ تجعـــل حَسنـــآتــيّ حســـرآتْ . .
ۆلآ تفضحَنــــيّ بـسيئـــآتــــيّ يــــوم ألقــــآڳ يـــا ربــــيّ . .
ۆاجعــــل قَلبــــيّ يـــذكَـــــرڳ لآ ينســــآڳ . .
ۆيخشـــــآك گأنـــــــه يــــــرآڳ .
الرجوع الى أعلى الصفحة اذهب الى الأسفل
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: رد: تعرف تعيش بألف جنيه فى الشهر؟   الأربعاء 1 يوليو - 4:52

اللهم امين يا يارب العالمين
تسلمى مشتاقة
الرجوع الى أعلى الصفحة اذهب الى الأسفل
عاشق الجنة
مشرف عام
مشرف عام


ذكر عدد الرسائل : 2240
العمل/الترفيه : ففروا الى الله
المزاج : الحمد لله
الاوسمه :
تاريخ التسجيل : 06/04/2009

مُساهمةموضوع: رد: تعرف تعيش بألف جنيه فى الشهر؟   الأربعاء 1 يوليو - 20:37

الحمد لله انى عايش فى الصعيد صحيح مرتبى اكثر من 1500 بس الحمد لله مستوره وكمان العيشه رخيصه عنكم

_________________
o كل شيء هباء إلا ذكر الله بقاء ..
وكل حب سقم وبلاء إلا الحب في الله دواء
وكل شغل عناء إلا الشغل بطاعة الله راحة وهناء
وكل القلوب تتفرق إلا قلوب جمعها حب الله وصدق الإخاء
نحن نحبكـــــــــــــــــ♥ـــــــــــــــم في الله.
الرجوع الى أعلى الصفحة اذهب الى الأسفل
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: رد: تعرف تعيش بألف جنيه فى الشهر؟   الخميس 2 يوليو - 18:01

المهندس كتب:
الحمد لله انى عايش فى الصعيد صحيح مرتبى اكثر من 1500 بس الحمد لله مستوره وكمان العيشه رخيصه عنكم

ربنا يكرمك اخى
وشكرا ع مرورك
الرجوع الى أعلى الصفحة اذهب الى الأسفل
syriangirl90
مشرفه اداريه
مشرفه اداريه


انثى عدد الرسائل : 1956
العمر : 26
العمل/الترفيه : طالبة جامعية/قسم لغة عربية /سنة 4
المزاج : إذا الشعب يوما أراد الحياة .. فلا بد أن يستجيب القدر
الاوسمه :
تاريخ التسجيل : 25/05/2009

مُساهمةموضوع: رد: تعرف تعيش بألف جنيه فى الشهر؟   الأحد 12 يوليو - 1:04

هههههههههههههههههههههههههههههههههههههههههههههه الحمدلله نحن في سوريا مستورة والحياة أفضل من غيرنا بس مانعرف نعيش بألف جنيه في الشهر لأن عملتنا ليرة مو جنيه Very Happy

_________________
تستغرق دقيقة لتحطم شخص ما .. وساعة لتعجب بشخص ما .. ويوم لتحب شخص ما .. ولكنك تستغرق العمر كله لتنسى شخص ما ...

مررت على المروءة وهي تبكي ... فقلت علاما تنتحب الفتاة
فقالت كيف لا أبكي وأهلي ... جميعا دون أهل الأرض ماتوا
*************************************
الناس داء وداء الناس قربهم .. وفي اعتزالهم قطع المودات
فسالم الناس تسلم من غوائلهم .. أًصم أبكم أعمى ذا تقيات
الرجوع الى أعلى الصفحة اذهب الى الأسفل
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: رد: تعرف تعيش بألف جنيه فى الشهر؟   الجمعة 24 يوليو - 12:35

ههههههههههههه
ربنا يكرمك اختى سوريا وشكرا على مرورك حبيبتى
الرجوع الى أعلى الصفحة اذهب الى الأسفل
نور على نور
مشرف
مشرف


ذكر عدد الرسائل : 337
العمر : 41
العمل/الترفيه : Teacher
المزاج : (ومما زادني فخرا وتيها ..وكدت بأخمصي أطأ الثريا) (دخولى تحت قولك يا عبادى..و أن صيرت أحمداً لى نبيــاً)
الاوسمه :
تاريخ التسجيل : 21/07/2009

مُساهمةموضوع: رد: تعرف تعيش بألف جنيه فى الشهر؟   الجمعة 24 يوليو - 20:16

موضوع رائع وجميل بس يخساره نسي مصاريف السمك ونوعـــــــــــه(بوري أم قنشر)وبعدين هنفترض بيقبض 1000 جنيه طب فين البدلات ؟
البدلات أقصد( بدل مايشحت)وربنا يجعله عامــــــــــــــر
الرجوع الى أعلى الصفحة اذهب الى الأسفل
صـــافـــى
مشرفه اداريه
مشرفه اداريه


انثى عدد الرسائل : 3691
العمل/الترفيه : طالبة جامعية
المزاج : لو مت يا امى متبكيش راح اموت عشان مصر تعيش
الاوسمه :
تاريخ التسجيل : 24/04/2009

مذكرة رحيل
رحيل: رحيل

مُساهمةموضوع: رد: تعرف تعيش بألف جنيه فى الشهر؟   الجمعة 24 يوليو - 20:53

kabuoo كتب:
موضوع رائع وجميل بس يخساره نسي مصاريف السمك ونوعـــــــــــه(بوري أم قنشر)وبعدين هنفترض بيقبض 1000 جنيه طب فين البدلات ؟
البدلات أقصد( بدل مايشحت)وربنا يجعله عامــــــــــــــر
لو كان على النسيان ففى حاجات كتير اوى متذكرتش
يلا بقى كله على الله
شكرا على مرورك اخى الكريم
الرجوع الى أعلى الصفحة اذهب الى الأسفل
 
تعرف تعيش بألف جنيه فى الشهر؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رحيل :: مختارات منوعه :: الموضوعات المتنوعه-
انتقل الى: